جلست استمتع بفنجان من الشاى وافكر كيف ابدا اول تدويناتى على الاطلاق ,اخذت اشحذ زناد فكرى يمنة ويسار بماذا ابدا ,ففكرت ان اكتب عن السياسة واحوال بلدنا الغريب عن كرامة المصرى الضايعة او كيلو اللحمة ابو مية جنية ولا الاضرابات والاعتصامات .............الخ لالالالالالالالالا لأ بلاش كلام فى السياسة هو انا من اولها هعك .
طب ايه اكتب عن الشعر ايه ده بس انا اصلاً مليش فى الشعر والشعُراء ومبستطعمهوش اساساً .
اه اها طب اكتب لهم نكتة يوووه بلاش عبط هيقولو عنك سطحية وعبيطة .
طب اكتب عن هوايتى الجديدة فى قراءة السير الذاتية للسياسين والطغاة و الربط الغريب اللى بلاحظه بين التاريخ والواقع الحاضر وازاى كل ما اقرا عن بداية الثوارات المختلفة الاقى ان الوضع فى بلدنا مشابه لحد غريب خاصة ان الحركات السياسية الموجودة الان هى هى ولكن بتسميات مختلفة , حتى القوى السوداء زى مابيسموها زمان موجودة دلوقتى فى ابن عز اللى غرقان فى عز بلدنا ....وبعدين مش قلنا بلاش سياسة وتخريف .
فكرت كتير وتعبت وملقتش حاجه اقولها فقولت احنا كلنا اصحاب وهتعزرونى لانى ملقتش حاجة اقولها غير "يسعد صباحكم " ويجعله عامر.
يسعد صباحك يانهى ياجميله
ردحذفبس انا ليا راى عن نكتب ايه
لازم نكتب كل اللى يجى على بالنا
ولا ايه رايك ؟
:))
يسعد صباحك يا جميله وصباح الفل و الورد والياسمين جميل جدا البوست بتاعك وعجبنى موضوع ربط التاريخ بالواقع
ردحذفعندك حق يا دودو انا بحاول بس اجى ايه فيكم بس
ردحذفهامى حبيبتى تسلميلى حكاية التاريخ والواقع دى شغلانى جدا بس مش عارفة اعبر عنها لسة
صباحك احسن
ردحذفوافضل
وسلمت الأنامل
وعكي براحتك
لان دي مساحتك
وعلي الجميع احترام حدودك